АҚШ-та Toyota Mega Cruiser сатылады

Cars&Bids аукционы Toyota Mega Cruiser-ді саудаға қойды, ол Toyota жапон әскерилеріне арнап жасаған жол талғамайтын көліктің сирек кездесетін, бұқараға арналған нұсқасы.

Автомобиль 1996 жылы шыққан, 170 мың шақырым жол жүріпті. Бірақ Mega Cruiser-дің жағдайы жақсы, құжаты түгел, сондықтан бағасы 75 мың долларға жетті.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Toyota Mega Cruiser компания тарихындағы ең ірі жол талғамайтын көлік, ұзындығы 5 метрден асады. Ол әскерилерге арналған, бірақ «Мега Крузерді» арнайы қызмет пен құтқару ұйымдары да мініп жүр. 1995–2000 жылдары модельдің 3000 данасы ғана шыққан, оның тек 133-і бұқараға сатылды.

Жол талғамайтын көлік құрылымына толық басқарылатын шасси, барлық дифференциалды бұғаттау және дизельді қозғалтқыш кіреді. 153 ат күшіне (382 Нм) ие 4.1 литрлік мотор 4 диапазонды автоматпен жұмыс істейді. Салонда алты адамға орын бар.

1 / 10

• 
• 
• 
• 
• 
• 
• 
• 
• 
• 

1 / 10

Саудаға түскен экземпляр 17 дюймдік дөңгелек дискісі, төбедегі жүксалғыш, жаңарған жарық техникасы және Carrozzeria магнитоласымен жабдықталған.

Оң рөлді Mega Cruiser-дің бағасы әлі өсуі мүмкін. 2022 жылы дәл осы аукционда АҚШ-қа Қазақстаннан барған осындай автомобиль 310 мың долларға өтті. Ол жолға көп шықпаған және сол рөлді болатын. Мұндай машинаның небәрі 12 данасы жарық көрді деген болжам бар.