Аустралияда сирек кездесетін Skyline GT-R сатылады

Bring A Trailer аукцион порталы BNR34 индексті сирек кездесетін V-Spec N1 түрленіміндегі Nissan Skyline GT-R-ді саудаға қойды. Nissan мұндай машинаның 38 данасын шығарған, біз сөз етіп отырған экземпляр 2000 жылы шыққан, модельдің 34-данасы.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Лот сипаттамасында автомобиль Сайтамадағы жарыс жолында алғаш көзге түскенін жазыпты. Skyline GT-R 2018 жылға дейін Жапонияда болды, содан кейін ол Аустралиядағы қазіргі иесінің қолына өтті. Жасыл құрлықта спорткар қайта жөндеуден өткен, бірқатар жарыс атрибутынан, Nismo Z-tune стиліндегі қанатынан айырылып, Сиднейдегі Motor Sports Mechanical жасаған жаңа мотормен жабдықталды.

RB26DETT моторы 2.6 литрлік көлемін сақтап қалды, бірақ үлкен HKS T04Z турбокомпрессорының орнын Garrett 2530 жұбы басты. Агрегат жалпы 707 ат күшін береді.

1 / 10

• 
• 
• 
• 
• 
• 
• 
• 
• 
• 

1 / 10

Сондай-ақ автомобиль 35-ші GT-R Brembo тежеуіші, Nismo S-Tune тірегі және сол компанияның аспасы, HKS газ шығару жүйесі, 6 сатылы механика қорап және ATTESA E-TS Pro толық жетек жүйесімен жабдықталған. Машина 19 дюймдік Nismo LM GT4 дөңгелек дискісімен жүреді.

V-Spec N1 көп жүрмеген. Көліктің одометрі 158 мың шақырымды көрсетіп тұр, оның 5 мыңын қазіргі иесі жүрген. Бірақ Skyline шын мәнінде бұдан көп жол жүрген болуы мүмкін.

Skyline GT-R бағасы қазір 220 мың доллардан асты, аукцион әлі аяқталған жоқ.