АҚШ-та Toyota Land Cruiser 80 100 мың долларға өтті

Өткен апта АҚШ-тағы аукцион үйлерінің бірі 1995 жылғы J80 индексті Toyota Land Cruiser-ді 93 500 долларға (42.2 млн теңге) сатты. Қазақстанда 4 литрлік мотормен жүретін жаңа Land Cruiser 300 (44 млн теңге) бен жаңа LC Prado (40 млн теңге) осынша тұрады. Ал АҚШ-та бұл сомаға тіпті Lexus LX 600 (93.9 мың доллар) алуға болады.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

«Сексендік» көп жүрмеген, көпшілік оған сол үшін қызыққан болар. Автомобиль одометрі небәрі 59 мың миль (95 мың км) көрсетіп тұр. Жол талғамайтын көліктің жағдайы өте жақсы, мұны суреттен де байқауға болады. Land Cruiser зауыт ережесіне сай жөндеуден өтіп отырған, ал сатуға қояр алдында барлық сұйықтығын ауыстырып, жуып, химиялық тазалаудан өткізген.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Land Cruiser 80 бір адамның ғана қолында болған деуге болады. Қазіргі иесі машинаны 1998 жылы сатып алыпты, ол одометрдегі 59 мың миль жолдың 35 мыңын жүрген.

Автомобиль 4.5 литрлік 1FZ-FE бензинді моторымен жүреді, агрегат 4 сатылы автомат қорап және толық жетекті жүйемен жұмыс істейді.

Машина негізінен зауыттық жабдықтарын сақтап қалған. Old Man Emu амортизаторы және 16 дюймдік дискіге қапталған BFGoodrich All-Terrain T/A K02 шинасы ғана жаңа.