Bugatti Chiron Rolls-Royce-пен бірге сатылады

Флоридада көп жүрмеген 2021 жылғы Bugatti Chiron саудаға шықты. Дилер гиперкарды 3.85 млн долларға бағалап отыр. Сатушы Chiron-ды алған клиентке едәуір арзан тұратын Rolls-Royce Wraith купесін қосып береді.

1 / 11

• 
• 
• 
• 
• 
• 
• 
• 
• 
• 
• 

1 / 11

Chiron-ның шанақ дизайны ерекше, ақ және шие түске боялған. Интерьер қызыл аралас ақ былғары, көміртекті талшық және алюминий қосымшамен әрленген. Гиперкар 3.3 мың шақырым жол жүріпті. Rolls-Royce Wraith-тың дизайны осыған ұқсас, купе шанағының жоғары жағы күміс түстес, ал төменгі бөлігі күңгірт реңкке боялған. Салоны ақ-қара түсті.

1 / 11

• 
• 
• 
• 
• 
• 
• 
• 
• 
• 
• 

1 / 11

Wraith-тың өзін жеке сатып алуға болады. Бағасы — 239 995 доллар, бұл Chiron құнының оннан біріне де жетпейді. Купе біршама ескі (2018 жылғы) әрі 28 мың шақырымнан аса жол жүрген.

Дилер люкс қосымшаны гиперкар бағасын көтеру үшін қосып отыр, өйткені мұндай Chiron АҚШ-та 3–3.5 млн доллар тұрады. Bugatti жаңа модель дайындап жатқандықтан, жақында бұл баға да төмендейді. Жаңа өнім қозғалтқышының алғашқы суреті жарияланған, одан конфигурациясы ерекше V16 гибрид күштік құрылымға негіз болатынын көруге болады. Агрегат 2000 ат күшін беруі мүмкін.