АҚШ-та қар тазалайтын көлік ірі апатқа себеп болды

АҚШ-тағы Огайо штатында ірі апат болған сәт түсірілген видео желіде тарады. Одан қар тазалайтын машинаның қарсы бетте келе жатқан бірнеше көлікке мұз аралас қарды шашып жібергенін көруге болады. Салдарынан жүргізушілер абдырап, рөлге ие бола алмай қалады. Бір машина тіпті жолдан шығып кеткен.

Қолда бар ақпарат бойынша арнайы техниканың шопыры тас жолда сағатына 112 шақырым жылдамдықта қозғалған. Жергілікті полиция 40-тан аса көлік бүлініп, 12 адам жарақат алғанын хабарлады.

Қар тазалайтын көліктің жүргізушісі жұмыстан шеттетілді.