Миссури штатына қарасты Сент-Луисте орналасқан Don Brown Chevrolet дилерлік орталығында тұрған машиналарды ұрлау сәті түскен видеоны жергілікті полиция жариялады. Кемі жеті адамнан тұратын топ ғимаратқа түнде кірген. Олардың бір бөлігі «Камаро» мен «Тахоның» есігін бұзып жатқанда, қалғандары кілт іздеп сабылады. Нәтижесінде қылмыскерлер үш көлікті алып кетті.
Below is surveillance video of the incident. pic.twitter.com/cVHmI5j2jg
— St. Louis, MO Police (@SLMPD) June 8, 2020
Иллинойс штатындағы тағы бір тонаушының жолы болмады. Dodge Challenger-ді айдап кетпек болған ол есік жақтауына кептеліп қалған. Көлікпен шыға алмасын түсінген ұры олжасын тастап қашуға мәжбүр болды.
Ең көп тоналған салон — Калифорниядағы Chrysler Dodge Jeep. Өткен аптада ұрылар мұндағы 50 темір тұлпарды үптеп кеткен. Салон иесінің айтуынша, орталық мамандары бірден тәртіп сақшыларын шақырған, бірақ елдегі ереуілді басуға жұмылдырылған полиция қызметкерлері қоңырауды кеш қабылдапты. Тонаушылардың да осы жағдайды ұтымды пайдаланып отырғаны анық.
Шығынды сақтандыру компаниясы жабады. Ал қолды болған көліктерді ешкім заңды түрде сата алмайтындықтан, қала шетіне қалдырып кетеді не бөлшектеп сатып жібереді. Алайда, қаскөйлердің жазасыз қалуы олардың әрі қарай да қылмыс жасауына ықпал ететіні сөзсіз.
Комментариев: 0