АҚШ-та ауа баптағышы бар «Нива» аукционға шығады

АҚШ-тағы аукцион порталдардың бірі Нью-Гемпшир штатында тұрған Lada Niva 1600-ді сатуға қойды. Ол — экспортқа арналған 1993 жылғы ВАЗ-2121.

Жол талғамайтын көлік көп уақыт Жапонияда болған. АҚШ-қа 2022 жылы барыпты. Одометрі 55.3 мың шақырым көрсетіп тұр, бірақ одометр бес таңбалы екенін ескерсек, ол екінші рет айналып жатқан болуы мүмкін.

1 / 9

• 
• 
• 
• 
• 
• 
• 
• 
• 

1 / 9

Бір қарағанда машина мінсіз сақталғандай көрінеді, бірақ Lada қайта боялған, оның үстіне шебер жұмысын аса сапалы істемепті. Мұқият қарасаңыз нығыздағыш пен есік орны толық боялып кеткені байқалады.

Салонда ең алдымен ауа баптағыш назар аудартады. Ол стандарт жабдықтар тізімінде жоқ, әдетте оны шетелдегі дилерлер орнатады. Бірақ біз сөз етіп отырған «Нивада» сымдар ашық ілулі тұр, соған қарағанда жүйені машина иелерінің бірі орнатқан сияқты.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Lada Niva 80 ат күшіне (116 Нм) ие 1.6 литрлік төрт цилиндрлі мотормен жүреді. Агрегат толық жетекті жүйе және механикалық қораппен жұмыс істейді.

Иесі көлікті қаншаға сатқалы отырғаны белгісіз, бірақ қазір бағасы 10 мың долларға (4.5 млн теңге) жетті. Kolesa.kz-те дәл сол жылы шыққан стандарт ВАЗ-2121-дің ең қымбаты 2.7 млн теңге тұрады.