Америкада Қытай көліктеріне қатысты тергеу басталды. Президент әкімшілігінің мәлімдемесіне сілтеме жасаған Associated Press машина тым ақылды екенін жазды. Ел билігі Қытайдан келген автомобиль құпия ақпаратты жариялауы мүмкін деп күдіктенеді.
АҚШ президенті тергеуді Сауда министрлігіне тапсырғанын айтып, мұны халықтың жеке деректерін қорғауға бағытталған қадам деді. Келген көлік борттық медиатехнология және смартфонмен байланысу арқылы иесін аңдып, деректерді отанына жібереді, камераға түсіп қалуы мүмкін маңызды нысандарға да қауіп төнеді деген болжам бар.
Сауда министрі Джина Раймондо көлік жүргізуші туралы құпия дерек жинайтын «дөңгелегі бар смартфон» деді. Ол америкалықтар туралы мұндай ақпаратты үлкен көлемде жинау ұлттық қауіпсіздікке қауіп төндіруі мүмкін деп ойлайды. Автомобильге рұқсатсыз кіру қаупі де айтылды.
Билік машинаны АҚШ-қа кіргізуге толық тыйым салу туралы сөз қозғамады. Бірақ Қытай мен басқа елдердің жоғары технологияларын елде пайдалануды реттейтін жаңа ереже жасалады деген болжам бар. АҚШ-та қазірдің өзінде аспан асты елі өндірушілерінің нарыққа кіруін қиындататын кедендік кедергілер бар. Мемлекет басшысы нарыққа да, өндіріске де қауіп төндіретін арзан машиналардың көбеюінен қорқады.
Қытай Джо Байденнің ойын дискриминация деп санағанмен, ел тарапынан нақты қадамдар байқалмады.
Комментариев: 0