Мамандар барлық өңірдегі жөнделуі керек жолдарды анықтады. Жалпы ұзындығы — 350 шақырым. Бүгін брифингіде «Қазавтожол» ҰК басқарма төрағасы Дархан Иманашев ақауы бар трассалардың тізімін Автомобиль жолдары комитетіне жолдағанын хабарлады.
«Қазір бұл тізімді жинақтау және бұйрыққа енгізу жұмыстары жүріп жатыр. Құжат тек уәкілетті органдармен емес, үкіметпен келісу арқылы жасалады. Бұйрық шыққан соң тегін бөліктер туралы хабарлаймыз», — деді Д. Иманашев. Оның айтуынша келер жылы қаңтардан бастап ақау шыққан бөлікте ақы сұралмайды. Жол жөнделгеннен кейін жүргізушілер қайта төлей бастайды.
Биыл 15 қыркүйекте ақылы трассада төлем алу ережесі өзгерді, енді жүргізуші бүлінген жолмен тегін жүреді. Арнайы жұмыс тобы жолдардағы кемшілікті анықтай бастады.
Комментариев: 0