Жақында Павлодардағы Мәшһүр Жүсіп пен Луначарский қиылысында ЗАЗ-968М мен Toyota Camry 70 қатысқан жол апаты болды. Куәгерлердің бірі «запорожец» иесінің мүжілген көлігіне сүйкеніп, қайғырып тұрған сәтін түсіріп алған. Видео желіге лезде тарап, жұрттың жүрегін елжіретті. Тіпті біраз адам зейнеткерге көмектесуге ниет білдірген, содан бірнеше сағатта көлікті жөндеуге жететін ақша жинады.
Жақсы іс мұнымен аяқталған жоқ, Семейде тұратын Асылбек есімді тіс дәрігері Ефим Никитичке өз меншігіндегі ЗАЗ-ды сыйлады, енді оны Павлодарға жеткізу керек. «Қазір „Камри“ мініп жүрмін, „запорожец“ екінші машинам еді. Одан қайық жасайын деп жүргенмін. Мынадай жағдай болған соң жоспардан бас тартып, автомобильді ақсақалға сыйлауды жөн көрдім», — деді Асылбек.
Комментариев: 0