Америкалық стартап 1014 ат күшіне ие электрлі кроссоверін таныстырды

Лас-Вегастағы CES көрмесінде 2014 жылы шыққан Mullen стартапы қуатты Five RS электрлі кроссоверін халыққа көрсетті. Көлік 2026 жылдың ортасында шығады.

1 / 9

• 
• 
• 
• 
• 
• 
• 
• 
• 

1 / 9

Қызықтыратын дизайны мен жетілген аэродинамикасы бар автомобильдің ұзындығы — 4902 мм, дөңгелек базасы — 2946 мм. Машина 1014 ат күшін беретін екі электрлі мотормен үйлесімді 2 сатылы қораппен және көлемі 100 кВт·сағ батареямен жабдықталады. Суперкроссовер алғашқы жүздікті 2 секундта алып, сағатына 322 шақырымды еңсереді. Электромобильдің жүріс қоры 483 шақырымға жетеді. Батареяның 800 вольтты архитектурасы 20 минут ішінде 80 %-ға дейін зарядтауға мүмкіндік береді.

1 / 5

• 
• 
• 
• 
• 

1 / 5

Төрт адамға арналған Mullen Five RS-тің салоны атмосфералы жарықпен, аспаптар панелі мен медиакешенді құрайтын екі ірі дисплеймен, жүрісті таңдайтын ерекше селектормен қызықтырады. Компания селекторды алдыңғы панельдің ортасына орнатып, түйме түрінде жасаған. Консольдегі босаған орынға екі сымсыз қуаттағыш қойды. Компания Five RS үшін бет-әлпетті тану жүйесі және жеке ассистент сияқты көмекші электроника дайындаған.

Five RS Mullen-нің жалғыз жобасы емес. Автоөндіруші Mullen One және Three секілді коммерциялық көлік те ұсынады. Дегенмен бұл тек дизайны өзгерген қытайлық көліктер. Мысалы, One моделі — Wuling Motors ұсынған G100.