Калифорния жүргізушілері BMW-ны сотқа берді. Car Complains мәліметі бойынша талап арыздың жалпы сомасы 5 миллион доллардан асады. Істі қозғаған Тим Крафт бренд көлік төбесіне орнатылатын жүзбеқанат тәрізді антеннаның ақауы туралы бұрыннан біледі, бірақ қымбат электрониканы кепілдік бойынша жөндемеу үшін ештеңе істемей отыр деп ойлайды.
Тим Крафт мәселені өзі байқаған. Ол былтыр дилерден қолданыста болған BMW X5 сатып алыпты, бір жыл өтпей-ақ электрондық жүйелер сыр бере бастаған. Мысалы, шұғыл көмек шақыруға мүмкіндік беретін жүйе, навигация істен шыққан, кілтсіз ашу және қашықтан қосу функциялары істемей қалған.
Сервис орталығындағы мамандар телематика блогы су тигеннен бұзылған деп түсіндірді. Дилер кроссовердегі ақауға өндіруші емес, иесі кінәлі деді. Жөндеуге 2.5 мың доллар кетеді.
Крафттың айтуынша су электроникаға шатырдағы антенна арқылы ақаулы тығыздағыштан кіреді. Бұл тұжырымға қалай келгені белгісіз, бірақ антеннаны жөндеуге 92 доллар жұмсапты.
Талапкер шанақтың ішіне кірген жаңбыр суы мерзімінен бұрын тот басуға әкеліп, электр сымдарын зақымдап, негізгі жүйелердің және салон әрлеуінің бүлінуіне себеп болады деп мәлімдеді. Осы тақырыптағы сайттарды зерттеп, бұл жиі кездесетін жағдай екенін түсінген. Оның пікірінше BMW бұл мәселе туралы біледі, бірақ оны жасырып, сервиске шақырмай отыр. Бір жағынан, өндіруші осылайша қаражат үнемдейді, екінші жағынан, дилерлерге қымбат жөндеу жұмыстарынан пайда табуға мүмкіндік береді.
BMW тарапынан әлі жауап жоқ. Арыз берушілердің сөзін Америка Ұлттық жол қозғалысы қауіпсіздігі басқармасының сайтындағы BMW иелерінің шағымдары растайды. Олар электр жүйелерінің кемшілігін жіктеп, су шатырдағы антеннадан кіреді деп санайды.
Комментариев: 0