Небраска тұрғыны Pump and Pantry жанармай құю бекетінен алған бонус картасын пайдаланғанда бензин колонкасы демо режимде жұмыс істеп, транзакцияны есепке алмайтынын байқаған.
45 жастағы Дон Томпсон тегін жанармайға қызығып, ақау жайлы хабарламапты, керісінше 2022 жылғы қарашадан 2023 жылғы маусымға дейін 510 рет машинасына тегін отын құйған. Ол жалпы құны 27 860 доллар болатын 7413 галлон (28 000 литр) жанармай пайдаланған деп хабарлады жергілікті БАҚ.
Тегін жанармайға қанағаттанбаған ханым кем дегенде бір адамға «жеңілдікпен» бензин құйып беріп, қосымша ақша табуға тырысқан. Содан кейін ол сиқырлы картаны сатып жіберген, компания отынның шамадан тыс жұмсалып жатқанын анықтап, бағдарлама қатесін түзеді.
Полиция бонус картасын пайдалану дерегін зерттеп, ақы төлемей бензин құйғандарды анықтады. Томпсонды 6 наурызда қамауға алып, кейін кепілге босатты. Небраскада 5000 доллардан асатын ұрлық қылмыс саналады, заң бұзған адам 20 жылға түрмеге қамалуы мүмкін.
Комментариев: 0