Cox Automotive Америка тұрғындарының Қытай өнімдеріне қатысты ойын анықтау мақсатында зерттеу жүргізді. Фокус-топқа алдағы екі жылда машина алуды жоспарлап отырған 800 адам қатысты.
Олардың 38 %-ы Қытай өнімін алуға дайын болса, 39 %-ының пікірі басқа.
Қытай көліктеріне зумерлер (1990 жылдардың ортасынан кейін туғандар) қызыққан. Себебі олар цифрлық ортаға бейім. Жасы үлкендер танымал автоконцерндердің бұрыннан белгілі маркаларын жөн көреді.
Америкадағы автосүйер қауымның басым бөлігі брендтердің атауын білмейді. Небәрі 17 %-ы хабардар. Олар көбіне BYD, Changan, Chery, Geely және Jetour сияқты өндірушілерді атаған.
Жағдайды серіктестер өзгерте алады. Респонденттер Қытай мен Америка бірлесіп әзірлген автомобильді алуға қарсы емес, көрсеткіш 76 %-ға жеткен. Шешім қабылдауға баға немесе өнім ғана емес, брендтердің үйлесімі де әсер етеді.
Қытай көліктері үшін басты кедергі — АҚШ-тағы ресми сатушылар. 132 дилердің тек 15 %-ы Қытай брендтерін өз елінде көргісі келеді. 92 %-ының техниканың сапасына, қауіпсіздігіне және қызмет ететін мерзіміне күмәні көп. Соған қарамастан 70 %-ы бизнес-стратегиясын өзгертуге дайын.
Комментариев: 0