Компания жариялаған суреттен машинаның бірқатар ерекшелігін көруге болады. Жаңа Volkswagen Amarok қосарлы кабиналы, шатыр үстіне рейлингтер қойылған. Суретті бір жыл бұрын жарияланған тизермен салыстырсақ (төменде), неміс пикапының дизайны өндіріс стандартына жақындағаны байқалады. Алдыңғы бөліктің дизайны барынша қарапайым, тұманға қарсы шамдар үлкейген, кабина артындағы жүк бөліміне қауіпсіздік доғалары орнатылыпты, дөңгелектері де көзге таныс.
Екінші буын «Амарок» келесі жылы жарық көреді. Автокөлік Ford Ranger негізінде жасалған. Қос машинаның қозғалтқышы мен беріліс қорабы бірдей. Екеуі де Оңтүстік Африкадағы жаңа Ford зауытында шығарылады.
Айта кетейік, қазіргі Volkswagen Amarok (amarok — инуит тілінде «қасқыр» ) 2009 жылдан 2020 жылға дейін Латын Америкасы мен Германия зауыттарында шығарылды. Автокөлік ресми түрде Қазақстанға әкелінген. Жүрілген «Амароктардың» бағасы шыққан жылы мен жағдайына байланысты 5-22 миллион теңге аралығында.
Комментариев: 0