Қала билігі биыл велосипед пен электросамокат инфрақұрылымын дамытуға күш салады. Tengrinews.kz Жол қозғалысы және жолаушылар көлігін ұйымдастыру басқармасына сілтеме жасап, мамандар оңтүстік астанадағы бірнеше ірі көшеге жолақ сызу жобасын дайындап жатыр деп жазды.
Алдын ала жоспар бойынша мына жолдарда қос дөңгелекті көлік еркін қозғалады:
- Сәтбаев көшесі: оңтүстік бөлігінде Мүсіреповтен Назарбаевқа дейін және солтүстігінде Назарбаевтан Достыққа дейін;
- Назарбаев даңғылы: батыс жағында Төле биден Гандиге дейін;
- Тимирязев көшесі: оңтүстік бөлігінде Жандосовтан Байтұрсыновқа дейін;
- Жандосов көшесі: оңтүстігінде Розыбакиевтен Жароковқа дейін;
- Жароков көшесі: батыс жағында
Әл-Фараби даңғылынан Өтеповке дейін, онда ол шығыс бөліктегі Өтепов пен Тимирязев арасындағы бұрыннан бар веложолға қосылады да, Сәтбаевқа дейін созылады.
Басқарма өкілдері кейбір бөлікте веложолақ жол жиегіне жақын орналасса, кей жерге бөлгіш бордюрі бар арнайы жолдар саламыз деді. Жұмыс қашан басталатыны әзірше белгісіз.
Велосипедшілерге жайлы жағдай жасау процесі мұнымен аяқталмайды, шенділер Төле би, Саин көшелерін, Абай даңғылын ұзарту жұмысы әлі жүріп жатқанын еске салды. Бұларда да, көп ұзамай BRT түсетін Райымбекте де арнайы жолақтар болады. Онда веложолдың ұзындығы 32 шақырымға жетуге тиіс.
Комментариев: 0