Солтүстік айналма жолының аумағында, «Адем», «Адем-1», «Алатау-1», «Алатау-2», «Ақ Бұлақ», «Арлан», «Барыс», «Болашақ», «Қазына», «Олжа» және «Ялян» базарларының маңында, сондай-ақ, «Нұрлы Тау» бизнес орталығының жанында 90-ға жуық бейнекамера пайда болды. Келешекте, егер «Алматы СпецТехПаркинг Сервис» ЖШС-і қаражат тапса, ақылы тұрақтардың барлығында бақылау жүйелері орнатылатын болады.
Компанияның баспасөз қызметі хабарлағандай, бейнекамералар аса сезімтал әрі анықтылығы да жоғары көрінеді. Құрылғы «күн/түн» жұмыс режиміне бейімделген және жарық жеткілікті болғанда түс берілісін түзеп, сезімталдықты арттыру үшін қараңғыда өшетін арнайы сүзгілермен жабдықталған. Бұл бейнетүсірілім сапасының жоғары болуын қамтамасыз етеді.
Камералар түсірген сурет «Алматы СпецТехПаркинг Сервис» компаниясының диспетчерлік орталығына қорғалған байланыс арналары арқылы онлайн-режимде жіберіледі. Алаң түріндегі тұрақтарда оқыс жағдай орын алған кезде белгіленген орынға 3-5 минут ішінде келетін жедел әрекет ету тобына хабарлау жүйесі қарастырылған.
«Алматы СпецТехПаркинг Сервис» мекемесіне қатысты сындар бұрын да айтылатын. Өзі жұмыс істеген уақыт аралығында компания автокөліктер үшін де, онда қалдырылған заттар үшін де ешқандай жауапкершілік артпастан тұрақ үшін ақша жинап келген еді. Ал енді танымал мәнерлеп сырғанаушының қазасынан кейін кәсіпкерлер шамасы, автокөлікке құмар жандардың мәселесін қолға алған сияқты.
Комментариев: 0