«Алматы паркинг» басқаратын барлық ақылы тұрақтарға 2018 жылдың аяғына дейін бейнебақылау орнатылады. Компания өкілдерінің пікірінше, бұл автокөлік ұрлығымен, сонымен қатар терминалдар мен ақпараттық тақталарды талқандау әрекеттерімен күресуге септігін тигізеді.
Тәжірибе көрсеткендей, тұрақтағы көліктің жанындағы бейнебақылау жүргізілетіні туралы бір ғана тақтайшаның өзі жеткілікті болады екен. Бұл ескерту мүлікті талқандаумен, ұрлықпен және өзге жүргізушілердің ұқыпсыздығымен байланысты мәселелерді шешеді. Сол мезетте «Алматы паркинг» компаниясы қала тұрғындарының төлем терминалдарын, шлагбаумдарды, ақпараттық тақталарды бүлдіру әрекеттерімен жиі кездеседі екен. «Осы мәселені, сонымен қатар қала тұрғындарының ұсыныстарын ескере отырып, біз бейнекамераларды орната бастадық. Осы жылдың соңына дейін барлық алаңдық тұрақтарымызды бейнебақылаумен қамтамасыз етуді жоспарлап отырмыз» — деп мәлімдеді «Алматы паркинг».
Комментариев: 0