Бүгінгі таңда 105 тіркеу бекетінің деректеріне сәйкес, жүргізушілерге екі миллиард теңгеден астам айыппұл салынған екен. Олардың көп бөлігі өндіріліпті. Осы орайда, «Крис-П» мобильді фоторадарлық кешендерінің көмегімен 1892 ереже бұзу оқиғасы анықталса, соның негізінде салынған айыппұл көлемі 23 миллион теңгені құрайды.
Аталған бекеттердің орналасу аймақтары қала автожолдарының апат қаупі жоғары және көліктер жылдам қозғалатын бөліктерінде, апаттылық жағдайына талдау жасау арқылы белгіленеді. Бейнежазба құралдарын пайдалану ЖҚЕ-нің қарама-қарсы бағытта қозғалу жолағына шығып кету (10.5%-ке), жаяу жүргіншілер жолының ережелерін бұзу (0.5%-ке), қиылыстардан өту ережелерін сақтамау ( 62.8%) сынды ереже бұзушылықтардың санын азайтуға ықпал етті«, — деп мәлімдеді ІІД ӘПБ басшысының орынбасары Еркін Өтегенов. Оның айтуынша, камералар жол қауіпсіздігін арттыруға, апаттылық жағдайын азайтуға, жол апатынан қаза тапқандардың санын кемітуге, зардап көлемін төмендетіп, жүргізушілердің көлік тізгіндеу тәртібін жақсартуға көмек береді екен.
Ескере кететін бір жәйт, Алматының жүргізушілері расымен де, соңғы жылдары әжептәуір тәртіпті бола түскен сыңайлы. Егер 2015 жылы жаңадан орнатылған «Крис-П» алғашқы үш жұмыс күнінде 50 миллион теңге көлемінде айыппұл салған болса, бүгінде, өзіміз көріп отырғандай, сегіз ай ішінде жүргізушілер 23 миллион айыппұл арқалаған. Айырмашылық айқын сезіледі, әрине. Дегенмен, жүргізушілердің көбі халық «егеуқұйрық» атап кеткен құрылғылардың орналасқан жерлерін баяғыда анықтап алған (тұрақты бейнежазба құрылғыларының орнын тіпті жақсы біледі), олар камераға жақындағанда жылдамдықты азайтып, оның көзін ала бере жүйтки жөнелетін көрінеді.
Естеріңізге сала кетейік, ағымдағы жылдың желтоқсан айында оңтүстік астанада жол қозғалысын бақылаудың жаңа, корейлік жүйесін сынап көру жоспарланған. Оның аспаптары автокөліктердің жылдамдығын ғана емес, бір камерадан екіншісіне дейінгі қашықтықты қанша уақытта жүріп өткенін де жазып алады.
Комментариев: 0