Естеріңізге сала кетейік, өткен жазда мегаполиске қытайлық 200 автобус жеткізілуі тиіс еді, алайда жеткізуші компания уәдесінде тұрмады. Нәтижесінде, қалалық әкімдіктің баспасөз қызметі хабарлағандай, «Алматыэлектротранс» ЖШС-і техниканы өз қаражатына сатып алуға мәжбүр болды.
Zhong Tong автобустарының алғашқы легі мемлекеттік тіркеуге алынып, дайындықтан өткен соң № 12 бағытта қала көшелеріне шығады. Қоғамдық көліктердің барлығы төмен еденді, сыйымдылығы үлкен және қала ішінде жолаушы тасымалдауға арналған. Автобустар сығымдалған табиғи газбен (CNG) жұмыс істейді, салқындатқышпен және бейнебақылау камераларымен жабдықталған. Көлікке 104 адам сыяды, отыратын орын саны 22 және 3 орын қозғалысы шектеулі жолаушыларға арналған.
Келесі кезекте қаладан әуежайға қатынайтын № 92 бағыттағы автобустарды жаңарту жоспарланып отыр.
Комментариев: 0