Газбен қозғалатын 200 автобусты сатып алу үшін биыл наурызда тендер өткізілген. Informburo.kz хабарлағандай, әр көліктің құны 55.5 млн теңгені құрады. Байқауды Zhong Tong автобустарын жеткізуге уәде берген «Оптима» ЖШС ұтып алды. Таңғаларлығы, қала билігі осы автобусқа бөлшектердің жоқтығына қарамастан таңдау жасапты.
Сәуір айында Бауыржан Байбек жаңа қоғамдық көліктер жазда жолға шығады деп айтты. Құжатта:
-
— 50 автобус 2019 жылдың 30 маусымында;
— 150 автобус — 2019 жылдың 10 шілдесінде;
— 5 YC6MK320N50 қозғалтқышы мен 6 автобус — 2019 жылдың бірінші қыркүйегінде қалаға жеткізіледі делінген.
Алайда «Алматыэлектротранс» муниципалды автопаркі уәде етілген көлікті ала алмады.
Жеткізушілер алғашқы 50 Zhong Tong автобусының «Қорғаста» кедендік тексерістен өтіп жатқанын айтты. Нәтижесінде тасымалдаушылар «Оптима» ЖШС-ін сотқа берді. Ал өздері енді Golden Dragon деп аталатын 60 «гармошканы» РБК банкі ұсынған лизинг арқылы алуды жоспарлап отыр. Әр автобус 100 млн теңге қаржы жұмсауды қажет етеді және оның ақысын өз қалталарынан төлейді. Автопарктегілер бұл автобустардың қарашада қала көшелеріне шығатынын алға тартты.
Комментариев: 0