Полицейские посты вновь появятся вокруг Алматы

Алматы маңына полиция бекеттері қойылады

Шектеу шаралары 27 шілде мен 3 тамыз аралығында күшінде болады.

Биыл Құрбан айт мерекесі 31 шілдеге түсіп тұр. Бірақ қазіргі жағдайға байланысты, халық оны үйде атап өтуге мәжбүр. Алматыда қалалық бас санитар дәрігердің арнайы қаулысымен:

  • меншік түріне қарамастан, барлық ұйымдарда, сонымен қатар жекеменшік үй және медреселерде адам көп жиналатын іс-шаралар өткізуге;
  • Алматы аумағында мал союды ұйымдастырып, жүзеге асыруға, автокөлікпен және жеке үйде мал сатуға;
  • Алматы қаласының орталық мешітімен бекітілген онлайн режимде құрбандық шалатын орындарды қоспағанда, мал сою цехтары мен мал сататын базарлардың жұмыс істеуіне тыйым салынды.

Тұрғындар мегаполис аумағына мал тасымас үшін қалаға кірер жолдарға 27 шілде мен 3 тамыз аралығында полицейлер мен мал дәрігерлері тұратын бекет қойылады.

Қаулы мәтінінде оңтүстік астанаға шеттен кіретін әр көлікті жеке-жеке тоқтатып тексере ме, ауыл арасындағы жолдар қайта жабыла ма және қойды интернет арқылы сойдыру үшін әкеле жатқаныңды қалай дәлелдеу керек сынды сауалдарға жауап жоқ. Онда тек онлайн режимде құрбан шалуға Qurban2020.kz сайты арқылы рұқсат алуға болатыны жазылған.

Комментариев: 0

Чтобы оставить комментарий, вам необходимо зарегистрироваться или авторизоваться.