Алматы — Бішкек экономикалық дәлізі арқылы көлік және инфрақұрылымды дамыту бойынша құрылған қырғыз-қазақ жұмыс тобының екінші отырысы кеше болды. 24.kg хабарлағандай, кездесуге қатысқандар Алматы мен Бішкек арасында қатынайтын электрлі автобусты іске қосу мүмкіндігін талқылады.
Отырыс нәтижесінде екі жақ жобаны әрі қарай жетілдіруде маңызды рөл атқаратын негізгі мәселелерді нақтылайтын протоколға қол қойып, жұмысты атқаруға бір-біріне көмектесуге дайын екенін растады.
Сонымен қатар Алматы — Ыстықкөл жолын салу жобасының қазіргі жағдайы сөз болды. Мамандар жобаға заң тұрғысынан талдау жасалғанын және қаржылық, техникалық скрининг әзірлеу жоспарланғанын хабарлады. Құрылысқа дайындалу үшін Қазақстан мен Қырғызстан мамандарынан тұратын біріккен жұмыс тобы құрылады.
Біраз уақыт бұрын Алматы мен Ыстықкөл арасына қатынайтын балама жолдың бағыты нақтыланды. Көлге баратын жол 280 шақырымға созылады. Оның 134 шақырымы ел аумағында, қалғаны Қырғызстан жақта болады.
Комментариев: 0