Үлкен айналма жол биыл 21 шілдеде ақылы болғанын естеріңізге саламыз, бірақ жүргізушілер төлем жасау кезінде қиындыққа тап болыпты. Солардың бірі Kolesa.kz-ке хат жазды:
«Төлем жасау жүйесі қалай жұмыс істейтіні түсініксіз. Өз басымнан өткен оқиғаны айтып берейін: мен жолмен жүріп өттім, компания төлем туралы SMS-хабарлама келеді деген, бірақ ешқандай хабарлама алмадым. Бір күн өткенде айналма жол сайтында «Белсенді» деген статус пен 241.5 теңге қарызды көрдім. Бұл нені білдіреді, түсінбедім. 7 күн ішінде төлеу керек екенін ескеріп, KASPI арқылы 300 теңге аудардым. Сайтта статус сол қалпы тұр, ал KASPI-дегі қарыз жойылмай, бар қарыздың үстіне тағы 300 баланс қосылды. Жүйе қалай жұмыс істейтінін түсінбедім. Ары қарай айыппұл төлеймін бе, сайттағы статустың «Төленді» деп өзгергенін күтем бе, басым қатты.
Мұндай жағдай бірнеше рет болған.
«БАКАД инвестициялар мен операциялар» ЖШС Kolesa.kz басылымына былай деп жауап берді:
«Төлем қабылданып жатыр, берешек алынып жатыр. Шот есептеу мен қарыз төлеу кезінде бірнеше келеңсіз оқиға болды. Біз бұл мәселені жедел түрде шешуге тырысамыз». Бұдан бөлек мекеме жүргізушілерге 5 тамызға дейін ешқандай айыппұл жазбаймыз деп сендірді.
Ресей автомобильдерін тізгіндеген жүргізушілерге ыңғайлы Qiwi-әмиянмен төлем қабылдау да іске қосылмады.
Жол ақылы болды екен деп ол жердегі көлік легі азаймады, өткен күндері жолда тәулігіне 50 000 автомобиль жүріп өткен. Тегін болған кезде 46 000 машина есепке алынды. Сонда айналма жолға сұраныс шынымен жоғары болып тұр.
Комментариев: 0