Хмельницкий көшесін «Жасқанат» шағын ауданындағы Сарыарқа көшесінен «Магнум» маңындағы Талғар трассасына дейін ұзарту жоспарланып отыр. Қалалық мобилділік басқармасы редакцияға жол жөндеушілер көшені ұзарту жұмысын 2025 жылы бастайтынын хабарлады.
Жоба бойынша Хмельницкийдің жаңа бөлігінің ұзындығы 4.27 км, әр бағыты 2 жолақты, ал ені 3.5 және 4 м (қоғамдық көлік үшін) болады. Жолдың екі жағында жасыл желекпен бөлінген веложол мен тротуар бар.
Көше арнайы халыққа қызмет көрсету орталығы маңында Құлжа тас жолымен қиылысады, жобаға сәйкес осы қиылыста беде тәрізді жолайрық салынады. Жол жөндеушілер көшенің Ноғайсай және Жарбұлақ өзенінен өтетін тұсына су өткізетін құбыр орнатады.
Қала әкімдігі алда құрылыс жүретін жерде орналасқан 63 жер телімін сатып алу жұмысын бастайды. Бұл процесс 2027 жылғы 31 желтоқсанға дейін аяқталады.
Сондай-ақ жол жөндеушілер Мұқанов көшесін Гогольден Райымбек даңғылына дейін ұзартады.
Комментариев: 0