Көліктер тек бір бағытта қозғалатын жаңа көшелер жол қозғалысын ұйымдастырудың кешенді схемасының жаңарған нұсқасында көрсетілген. Бұл құжатты қазір шенділер мен қоғам әлеуметтік желіде талқылап жатыр. Жоспардан 2023 жылға дейін Брусиловский көшесін біржақты етіп, Тілендиев көшесімен екі бағытта қозғалу мүмкіндігін қайтару көзделгенін көруге болады.
2030 жылға дейін мына көшелердегі қозғалыс біржақты болуы мүмкін:
- Нұрмақов және Манас көшелері Төле биден Абайға дейін солтүстіктен оңтүстікке қарай;
- Әуезов көшесі Жандосовтан Төле биге дейін (бағыты белгісіз, бірақ оңтүстіктен солтүстікке қарай болатын шығар);
- Әйтеке би Әуезовтен Назарбаевқа дейін батыс-шығыс бағытында;
- Қазыбек би Әйтиевтен Назарбаевқа дейін шығыс-батыс бағытында;
- Әйтиев Қазыбектен Төле биге дейін солтүстіктен оңтүстікке қарай;
- Достық Қазыбек биден Сәтбаевқа дейін солтүстік-оңтүстік бағытында.
Жоба авторлары Алматыда Б.Байбек әкімдік еткен кезде әзірленген жол қозғалысын ұйымдастырудың кешенді схемасын негізге алған. Бірақ онда көрсетілген көшенің бәрі бірдей бас жоспарға кірмеді, көбінде қозғалыс бағытын өзгерту ұсынылады.
1 / 4
Бас жоспар әлі нақтыланған жоқ, ол биыл шілде айында бекітіледі.
Алматылықтар, бұған не дейсіздер?
Комментариев: 0