Медеу ауданында 6 тамыз күні 8:00-ден 7 тамыз 21:00-ге дейін Әл-Фараби даңғылының Меңдіқұловтан Достыққа дейінгі шығыс бөлігі жабылады. Әкімдік бұл аралықпен батыс бағытта қозғалуға болады деп хабарлады.
Жетісу ауданында 6 тамыз күні 23:00-ден 8 тамыз 11:00-ге дейін Рысқұловтағы Күдерин көшесі арқылы өтетін көпірмен батысқа қарай мүлде көлік жүрмейді. Бұл араға Күдерин арқылы өтуге де мүмкіндік жоқ.
Бостандық ауданында 7 тамыз күні 23:00-ден 9 тамыз 11:00-ге дейін мамандар асфальт ауыстыру үшін Сәтбаев көшесінің Масаншыдан Желтоқсанға дейінгі бөлігін жабады.
Әуезов ауданында жұмысшылар құбыр ауыстырады, сондықтан 9 тамыз күні 23:00-ден 12 тамыз 10:00-ге дейін Абай даңғылының Royal Petrol бекетінен Саин көшесіне дейінгі бөлігімен батыс бағытта козғалыс шектеледі.
Жүргізушілер сақтық танытып, бағытын алдын ала жоспарлағаны дұрыс.
Комментариев: 0