Разрешать работу автосервисов в Алматы пока не планируют

Алматыдағы автосервистердің жұмысына рұқсат берілмейді

Шектеу 13 сәуірге дейін күшін жоймайды. Одан кейін тағы ұзартылуы мүмкін.

Карантинге байланысты Алматыда ТЖО, бөлшек сататын дүкендер, автосалондар мен көлік жуатын орындар жабылды. Салдарынан мыңдаған адамның ісі тұралап қалуы мүмкін. Қалаға азық-түлік пен дәрі-дәрмек таситын жүк көліктерінің де дөңгелегі жарылып, қиындықтар туындап жатады.

Көрші аймақтардағы шектеулер аса қатал емес. Мысалы, Алматы облысында көлік жуатын орындар мен автобазарлар жабылғанымен, бөлшек сататын дүкендер мен бөлек тұрған ТЖО жұмыс істеп тұр. Таразда жеке тұрған шиномонтажға арналған бокстардың (екі ТЖО-дан аспауы тиіс) жұмыс істеуіне рұқсат берілді.

Шектеулерді алып тастау алматылық шұғыл штабтың жоспарында жоқ. Kolesa.kz тілшісіне қала әкімдігі хабарлағандай, айналасындағы басқа қала, елді мекендермен салыстырғанда, оңтүстік астанада халық анағұрлым тығыз қоныстанған. Сол себепті азаматтардың қозғалысын шектеу, сауда орындары мен өнеркәсіп және қызмет көрсету саласындағы нысандарды жабу — халық арасында қауіпті індеттің таралуына тосқауыл болу үшін жасалған мәжбүрлі шара.

Шенділердің айтуынша, азық-түлік тасымалдаумен және медициналық қызмет көрсетумен айналысатын бірқатар мекемелер өз автокөліктеріне техникалық қызмет көрсетуге қауқарлы. Басқаларының мәселені өз бетінше шешуіне не қаладағы эпидемиологиялық ахуалдың жақсарғанын күтуіне тура келеді.

Алматыдағы ТЖО, автодүкен, автосалондар мен көлік жуатын орындар әзірше 13 сәуірге дейін жұмыс істемейді. Алдағы демалыс күндері шұғыл штабтың отырысы өтіп, шектеу шараларының мерзімі айқындалады.

Комментариев: 0

Чтобы оставить комментарий, вам необходимо зарегистрироваться или авторизоваться.