Kolesa.kz редакциясына қалалық мобильділік басқармасы хабарлағандай, Мөңке би көшесінің жаңа айналма жолдан Мәмбетов көшесіне дейінгі бөлігі 2022 жылғы 1 қазан сағат 22:00-ден 2023 жылғы 1 маусымға дейін жабылады. Құрылысшылар ұзарған Саин көшесімен қиылыста жолайрық салады.
Қаладан солтүстік бағытқа, № 1 мамандандырылған ХҚКО-ға қарай баратын жүргізушілер сегіз ай бойы жаңа айналма жолмен жүреді. Ал Мәмбетов көшесінен батысқа қарай, Момышұлы көшесіне немесе Алғабасқа баратын тұрғындар Ақын Сара көшесімен жүргені жөн.
Kolesa.kz редакциясына жол жөндеушілер берген схемаға қарасақ Момышұлы мен Ақын Сара қиылысында бағдаршам болмайтын секілді. Осы жерде кептеліс болуы мүмкін.
Комментариев: 0