Алатау ауданы тұрғындарымен кездескен Ерболат Досаев Саин көшесінің Рысқұловтан Мөңке биге дейінгі бөлігін биыл жыл соңына дейін ашу жоспарланғанын айтты. Сонымен қоса қала басшысы 2023 жылдың аяғында Мөңке би — Ақын Сара жолайрығын барлық бағытта іске қосамыз деді.
Әкімдіктің баспасөз қызметі бүгін Саин көшесінің (Үлкен Алматы каналынан Мөңке биге дейін) жөндеуден өткен бөлігінде көлік қозғалысы қалыпқа келді деп хабарлады.
Шенділер Саин көшесін ұзарту жұмысын екі жыл бұрын аяқтаймыз деп уәде берген, бірақ құрылыс жер телімдерін сатып алуға байланысты тоқтап тұрды. Әкімдік өкілдерінің сөзіне сенсек, қазір жұмыс жоғары қарқынмен жүріп жатыр.
Мөңке бидегі беде тәрізді жолайрықты мамандар 2021 жылы сала бастаған. Жоспар бойынша 5.68 млрд теңге (13.3 млн доллар) жұмсалған жоба биыл маусымда аяқталуға тиіс еді.
Комментариев: 0