Anytime — каршеринг нарығындағы жаңа ойыншы — клиенттеріне Volkswagen Polo маркалы 100 седан ұсынуға дайын. Көлікті кез келген жерге қалдырып кетуге болады. Бұл орайда бензин, ақылы тұрақ, жуу, сақтандыру және техникалық қызмет көрсету шығындарын компания өз мойнына алады. Қолдану аумағы — Алматы мен Алматы облысы.( Алыс сапарлар үшін клиентке шамасы, көлікті бару және кері қайту шартымен жалға алу қажет болатын шығар.Тәуліктік төлем жасалуы мүмкін. Бұл мәселе әлі де пысықталуда.) Қызметті пайдалану үшін жалға алушыға мобильді қосымшаны жүктеп, банк картасын бекіте отырып, жеке куәлікпен селфи жасау арқылы тіркелу қажет болады. Жалғыз гәп — жалға алушының жасы 21-ден асқан және көлік жүргізу өтілі 2 жылдан кем болмауы қажет.
Жаңа қызмет түрінің басшылығының айтуынша, көлікті табу және оны жалға алу мобильді қосымша арқылы жүзеге асады, әрі ол көліктің кілті де болып табылады. Бағдарлама пайдаланушыға жақын маңда тұрған көлікті тауып, оған баратын жолды да анықтап береді. Ал көлікке дейін жетіп, оны іске қосу үшін пайдаланушыға тегін брондауға 20 минут уақыт беріледі.
Өзін халықаралық компания деп таныстыратын Anytime, 2012 жылдан бері тек Ресейде, оның ішінде тек Мәскеу мен оның маңайында жұмыс жасап келген. Жақында Беларусь елінде де пайда болды. Ресейде ол әдеттегі қызметтерден бөлек, каршерингтің жүк тасымалдау нұсқасын да ұсынады.
Комментариев: 0