«Бастапқы кезде қоғамдық көлікке арналған жолақтармен қозғалатын 30-дан 50-ге дейінгі автобустарды камералармен жабдықтау жоспарлануда», — деп хабарлады Алматы қаласы ІІД Әкімшілік полиция басқармасының басшысы Жандос Мұратәлиев.
Оның айтуынша, камералар тек өзге жүргізушілердің ереже бұзу сәтін ғана емес, сол автобусты тізгіндеген жүргізушінің де бұзған ережесін жазып алатын болады. Дегенмен, маршруттық көліктердің нақты нөмірлері әлі нақтыланған жоқ.
Тәртіп сақшыларының Алматы автобустарына жол қозғалысының басқа қатысушыларын бақылайтын камералардың орнатылатыны жайлы алғаш осыдан үш жыл бұрын мәлімдегенін естеріңізге сала кетейік. Содан бері көп ештеңе өзгере қойған жоқ. Десе де, 2018 жылдың ақпан айында полиция қызметкерлері камералардың орнатылғанын, бірақ әзірше тестілік режимде жұмыс істеп тұрғанын және әне-міне хаттама толтырыла бастайтынын мәлімдеген еді. Одан кейін де алты ай өтіпті…
Комментариев: 0