Аталған шешім 31 наурыз күні төтенше жағдай режимін қамтамасыз ету бойынша құрылған шұғыл штаб отырысында қабылданды. Кездесу барысында Алматы қаласындағы бүкіл кәсіпорындар мен ұйымдардың қызметі тоқтатылған кезеңде жұмыс істеуіне рұқсат берілетін салалар мен қызмет түрлерінің тізімі бекітілді. Мамандар оңтүстік астанада ресми тіркелген такси қызметін қоса алғанда, қоғамдық көліктің жұмысына тыйым салынбайтынын айтты. Бірақ олар санитарлық қорғаныс талаптарын (жүргізушілер медициналық бетперде тағуға міндетті) қатаң сақтауға тиіс және бір жолаушыдан артық алмауы керек. Сонымен қатар, «такси автокөлігі 2020 жылдың 30 наурызына дейін такси қызметінің базасында тіркелуі және шұғыл штабтың арнайы деректер базасында болуы қажет» деген шешім қабылданды.
Естеріңізге сала кетейік, біраз күн бұрын полицейлер вирус тарап кетпес үшін алматылықтардың жеке көлікпен тіпті дүкенге бармауы қажеттігін мәлімдеген болатын. Жүргізушілерді «Сергек» камералары қадағалайды, ал қаладағы 26 блокпост күн сайын орнын ауыстырып отырады.
Комментариев: 0