Оңтүстік астанада жаңа бейнебақылау камераларының дәл қашан пайда болатыны әлі белгісіз. Қазіргі сәтте жүйе жасаушылары қалалық әкімдікпен келіссөз жүргізуде. Бізге белгілісі, тек компанияның пилоттық камераларды өз қаражатына орнататыны ғана.
Сонымен қатар, жуырда Алматы қалалық ІІД басшылығы ағымдағы жылдың желтоқсан айында мегаполисте жол қозғалысын бақылаудың корейлік жүйесін сынап көру жоспарда барын айтқан еді. Бұл жүйенің құрылғылары автокөліктің жылдамдығын ғана емес, оның бір камерадан екіншісіне дейінгі қашықтықты жүріп өткен уақытын да есепке алатын көрінеді. Осылайша, полиция қызметкерлері жүргізушілердің камера алдында тежеліп, одан кейін келесі бейнебақылауға дейін жылдамдықты қайта асыратын әрекеттерінің алдын алмақшы.
- Ресейлік «Вокорд-Трафик» жүйесінің 10 камерасын Астанада осыдан үш жыл бұрын сынақтан өткізген болатын. Бұл кешен аумақтағы ең жоғарғы және орташа жылдамдықты асыру, тоқтау сызығынан шығу, қарсы бетке өтіп кету, тұрақ пен аялдама ережелерін бұзу сияқты ЖҚЕ-нің бұзылуын анықтауға икемді. Сондай-ақ, аталған кешен жаяу жүргіншілерді өткізбеген жүргізушілерді де анықтай алады. Бұл сынақтардың нәтижесі жайлы астаналық полиция қызметкерлері тіс жармады. Оның үстіне, Астана көшелерінде бұл камералар көрінбейді.
- Автокөліктің тас жолдағы орташа жылдамдығын анықтайтын соған ұқсас жүйені Шығыс Қазақстанда да сынақтан өткізген болатын.
- Астанадағы «Сергекті» 2017 жылы іске қосты. Жүйе камералары жылдамдықты асыруды, қоғамдық көлік жолағымен жүру мен тоқтау сызығынан асып кетуді жазып алады.
- 2018 жылдың сәуір айында ҚР президенті «Сергектің» 200 камерасының тек 29-ы ғана жұмыс істеп тұрғанына сын айтқан болатын.
Комментариев: 0