Қаладағы бағдаршаммен реттелетін 26 жаяу жүргіншілер өткелінде қызыл түске өткен көлікті камералар тіркейтін болды. Бұған дейін мұндай әрекет камера бақылауынан тыс қалатын еді. «Сергектер» тоқтау сызығынан асып кеткендерді ғана анықтайтын.
Елордалық полиция департаментінің баспасөз қызметі хабарлағандай, жаңа тәртіп «Жолдағы балалар қауіпсіздігі» іс-шарасы аясында енгізілді. Бүгіннен бастап мектеп оқушылары оффлайн режимде оқитындықтан, қырағылықты арттыру туралы шешім қабылданды.
Полиция таратқан мәліметке сүйенсек, 2021 жылы қаладағы жаяу жүргіншілер өткелінде 98 жол апаты болған. Бағдаршаммен реттелетін өткелде 38, ал реттелмейтін жерлерде 60 адамды көлік қағып кетті.
Комментариев: 0