Алматыда «Сергек» көбейеді

Алматыда «Сергек» көбейеді

Қасым-Жомарт Тоқаев камералар көлік жүргізу тәртібін жақсартатынын айтты.

Мемлекет басшысы сыбайлас жемқорлыққа қарсы іс-қимыл жөніндегі кеңесте көптеген қалада орнатылған «Сергек» камераларының оң рөлін атап өтті.

«Біз олардың санын көбейтуіміз керек. Алматыға оларды көбейтуге нұсқау бердім, себебі елдегі оқиғалар кезінде 500-ден астам камераны бүлікшілер әдейі істен шығарды. Оларды қалпына келтіріп қана қоймай, санын молайту керек. Әңгіме біздің азаматтардың әрекетіне қандай да бір мониторинг немесе бақылау орнатуда емес. Бұл олардың қауіпсіздігіне қатысты мәселе», — деді мемлекет басшысы.

Бұған дейін полиция 4-7 қаңтар аралығында Алматыда 75 «Сергек» кешені (304 камера), РТРК ғимаратында орналасқан орталық байланыс желісі, антенна және байланыс құрылғысы қиратылғанын хабарлаған.

Комментариев: 0

Чтобы оставить комментарий, вам необходимо зарегистрироваться или авторизоваться.