Алматыда құжаты жоқ ескі аккумуляторлар тәркіленуде

Оңтүстік астананың тәртіп сақшылары ұрланған бөлшектер сатылуы мүмкін жерлерді тексеруін жалғастыруда. Бұл жолы олар металл қабылдайтын орындарды да тінтіп шықты.

Кезекті рейд барысында 20 орын тексеріліп, 30 ұсталған аккумулятор мен алюминийден жасалған сымдар тәркіленді. Сонымен қатар, сатушылардан жеті жарық шам, бұрылыс көрсеткіші және төрт бүйірлік айна табылды. «Жібек жолы» базарының аумағындағы 21 ТЖО мен онда жөндеуден өтіп жатқан 32 автокөлік тексерілді, — деп хабарлады Алматы қалалық полиция департаментінің баспасөз қызметі.

Жалпы, Алатау ауданы бойынша полиция 127 қоғамдық тәртіпті бұзу дерегін анықтаған. Оның ішінде 53 дерек абаттандыру ережелерін бұзумен, 28 жағдай рұқсат етілмеген жерде сауда жасаумен, 12 дерек қоғамдық орындарда темекі шегумен байланысты. Жеті азамат спирттік ішімдік ішкені үшін, ал тоғыз азамат ұсақ бұзақылық үшін жауапкершілікке тартылған. Елдің көші-қон заңнамасын бұзған 140 адам Алатау аудандық полиция басқармасына жеткізіліпті.

Комментариев: 0

Чтобы оставить комментарий, вам необходимо зарегистрироваться или авторизоваться.