Алматыда Қазақстанның түкпір-түкпірінен келген көліктер жүр

Былтыр еліміздің әр аймағынан Алматыға күн сайын кірген көлік туралы статистиканы Kolesa.kz редакциясына Sergek Group компаниясы берді.

Орта есеппен қалада күніне 647 000 автомобиль жүреді. «Сергек» камералары 2023 жылы қаңтарда Алматыға күн сайын 40 000, желтоқсанда 60 000 көлік кіргенін тіркеген. Ал жазда бұл сан 80 000–90 000-ға дейін жетті.

Өңірлер бойынша айтқанда мегаполисте Алматы облысынан келген көлік көп (облыс нөмірі — В және 05). Мұндай автомобильдер әдетте қала маңындағы аудандардан келеді.

Екінші және үшінші орынға Жамбыл (Н және 08) мен Түркістан (Х және 13) облысы жайғасқан. Төртінші орында — Астана (Z және 01), бесінші сатыда — Ресей нөмірлі «шетелдіктер», алтыншы орында — Жетісу облысы (19 облыс), жетінші орында қырғыз көліктері тұр.

Олардың бәрін шетел азаматтары жүргізіп жүрген жоқ, өйткені былтыр мемлекет көптеген шетел көлігін заңдастырды. 2023 жылы шілдеде Алматыға келетін RUS және KG нөмірлі «шетелдіктер» күрт азайды. Бұған Қазақстанда есепке тұрған 304 мың машина әсер еткені анық.

Күн сайын Алматыға орта есеппен оннан аспайтын Беларусь көліктері кіреді, бұл ең төмен көрсеткіш.

Алматыға келетін Армения тіркеуіндегі машиналар аса көп емес, жылына 5 мыңнан сәл асады. Грузия тіркеуіндегі көліктер бұдан да аз — 1069 дана. Оның үстіне былтыр шілдедегі заңдастырудан кейін оңтүстік астанаға кіретін AM және GE индексті автомобиль саны екі есе азайды.

Түсінікті болу үшін біз бір жыл ішінде мегаполиске басқа аймақтардан келетін көліктердің әр тәуліктегі орташа санын есептедік. Нәтижесінде мынадай диаграмма құрдық.

Бұл статистикаға транзиттік нөмірмен жүрген Грузия, Моңғолия және Қырғызстаннан келген машиналар кірген жоқ.

Сіз Алматыда қай өңірдің машиналарын көп көресіз?