Оңтүстік астанада жауын үшінші күн тоқтамай жауып тұр. Қазгидромет ертең, 17 қазанда қар жауып, ауа температурасы төмендейді деп болжады, жолдарды мұз басуы мүмкін. Осыған байланысты қалалық әкімдік автокөлік иелеріне, әсіресе Әл-Фараби даңғылынан жоғары тұратындарға жазғы шинаны қысқы шинаға ауыстыруды ұсынады.
Қаланың коммуналдық қызметі көктайғаққа қарсы жұмыстарды жедел атқаруға дайын екендігін мәлімдеді. Көшелерді тазалап, құм себу жұмыстарымен 10 мердігер ұйым, 841 техника және 1405 жолшы айналысады. Базада көктайғаққа қарсы 76 тонна материал дайын.
Әкімдік жолды мұз бен қар басу мүмкіндігін жоққа шығармайды және жүргізушілерге жылдамдықты азайтып, көлік арасындағы қашықтықты сақтауға және кенет маневр жасаудан аулақ болуға кеңес береді.
Биыл ақпанның аяғында қар жауып, аяз болғаннан кейін Алматыдағы Шығыс айналма жолы мұз айдынына айналды. Соның салдарынан оннан аса көлік апатқа ұшырады. Kolesa.kz редакциясына қаланың коммуналдық инфрақұрылым басқармасы сол аумақтағы жолға тұз ерітіндісі емес, «дымқыл тұз» себілгенін айтты.
Комментариев: 0