Алматыда Motorfest өтеді

Ұзақ үзілістен кейін Алматыға ірі автомәдениет фестивалі Motorfest қайта оралды.

«Медеу» мұз айдынында өтетін іс-шараға 2019 жылғыдай Қазақстан, Қырғызстан және Өзбекстаннан келген екі жүзден аса ерекше автомобиль қатысады. Ұйымдастырушылар АҚШ-тың маслкарлары мен жапон, британ және неміс автоөндірісінің үздік өкілдерін көрсетуге уәде беріп отыр. «Моторфест» аясында жаңа Subaru WRX-тің Қазақстандағы тұсаукесері өтеді. Сондай-ақ Shiza-ның өнерін тамашалап, 16 үздік Motorfest 2023 жобасын көруге болады.

Биылғы фестивальдің серіктестері қатарында Kolesa.kz бар. Демек фестиваль қонақтарын қосымша интерактивті бағдарламалар күтіп тұр, атап айтқанда, 26 тамызда көрермендер суретшінің автомобиль бояғанын тамашалай алады, ал 27 тамызда тез дөңгелек ауыстыру және т.б. жарыстарға қатысып, жүлде ұтып алуға болады. Сондай-ақ 2023 жылғы үздік 16 жобаны анықтайтын төрешілер арасында Олжас Оқас та бар.

View this post on Instagram

A post shared by Автосообщество CarsKz (@cars_kz)

Бағдарлама кестесі

26 тамыз, сенбі:

• 12:00 — қонақтар билет алып, «Медеуге» жайғасады;
• 14:00 — Motorfest фестивалі ресми басталады;
• 14:00 — Motorfest TOP 16 tribute;
• 15:00 — event X;
• 16:00 — Motorfest TOP 16 tribute;
• 17:00 — интерактивті аймақ;
• 17:30 — халықаралық төрешілер алқасының сөзі;
• 18:00 — шоу-бағдарлама;
• 19:00 — Shiza өнер көрсетеді;
• 20:00 — фестивальдің бірінші күні жабылады.

27 тамыз, жексенбі:

• 12:00 — қонақтар билет алып, «Медеуге» жайғасады;
• 13:00 — ерекше автомобиль иелерімен тікелей сұхбат;
• 14:00 — ТОP 32 Motorfest 2023;
• 15:00 — event X, 2-бөлім;
• 16:00 — TOP 16 Motorfest 2023 жеңімпазын анықтау;
• 18:00 — TOP 16 Motorfest 2023 марапаттау рәсімі;
• 20:00 — фестиваль аяқталады.

Фестивальге кіру ақылы. Билетті Kino.kz порталынан немесе шара өтетін күні «Медеу» кассасынан алуға болады. Ересектер 5000 теңгеге, ал 7–12 жастағы балалар 2500 теңгеге алады.