Оқиға 25 шілде күні Қалдаяқов пен Мақатаев қиылысында болған. Бейнетіркеуішке жазылған видео кадрларынан Мақатаев көшесінен батысқа қарай бұрыла берген «жүз жиырма төртінші» Mercedes-ке жол бойында өсіп тұрған үлкен қарағаштың құлағанын көруге болады.
Алматылық ТЖД апат салдарынан ешкім зардап шекпегенін хабарлады. Седан рөліндегі әйел жарақат алмаған. Құтқару қызметінің мамандары жолды тазартты.
Машинаға келген зақым үшін Mercedes Benz иесі аудандық әкімдіктен өтемақы талап ете алады, себебі муниципалдық аумақта өсетін ағаштарға аталған мекеме жауапты.
Комментариев: 0