Алматыдағы алғашқы шығарынды деңгейі төмен аймақ биыл сәуірде пайда болды. Пилоттық жоба мына көшелер арасында жүзеге асты: Бөгенбай батырдың оңтүстігі, Абай даңғылының солтүстігі, Желтоқсанның шығысы және Достық даңғылының батысы. Маусымда билік оның шекарасына арнайы жол белгісін орнатады. Осыдан кейін «таза кварталға» өткен көлік иелері LEZ аумағына кіргені туралы хабарлама ала бастайды.
«Алматы паркинг» мәліметінше хабарламада жүргізушінің пилоттық режимде жұмыс істейтін шығарынды деңгейі төмен аймаққа кірген күні және almaty-parking.kz сайтына сілтеме мен +7 (727) 390 8000 байланыс нөмірі жазылады.
Қазір шектеу, айыппұл немесе аймаққа кіру ақысы қарастырылмаған. Жобаның негізгі мақсаты — технологиялық платформаның жұмысын сынақтан өткізу және қала инфрақұрылымның дайындығын бағалау.
Техникалық пилоттық кезең 31 желтоқсанға дейін жалғасады. Бұған дейін мұнда көлік қозғалысы өзгермейді.
Комментариев: 0