Күдіктілерді ұстау барысында көлікті ашып, айдап кетуе арналған құралдар, нөмірлік белгілер, VIN-код көрсетілген жапсырмалар, жүргізуші куәлігіне арналған пластик дайындамалар, техникалық төлқұжат пен жеке куәліктер, принтер, сақтандыру полистерінің мөр басылған бос бланкілері, медициналық тексерістен өткені туралы бос бланкілер, полиция қызметкерінің «ҚР ІІМ» деген жазуы мен белгісі бар қызметтік куәлігі, үш оқ-дәрісі бар " Оса" травматикалық тапаншасы, сонымен қатар «ПМ-9мм» жүйесіндегі тапаншаға арналған 36 оқ-дәрі табылды.
Алматы қалалық Полиция департаментінің баспасөз қызметі хабарлағандай, ұйымдасқан қылмыстық топ құрамына 30 бен 40 жаса аралығындағы ер адамдар кірген. Күдіктілердің бірі — алматылық, қалғандары Павлодар, Қарағанды, Түркістан және Алматы облыстарының тумалары. Екі адам бұрын да заңға қарсы әрекеттерімен көзге түскен. Әзірше тәртіп сақшылары ұсталғандардың тек бір қылмысқа қатысы барын анықтады. Олар 10 тамыз күні Түркебаев көшесіндегі аулалардың бірінде тұрған Toyota Land Cruiser 200 (көлік әлі ізделуде) көлігін айдап кеткен. Бірақ бұл топтың басқа да қылмыстарға қатысы бары жоққа шығарылмайды.
Комментариев: 0