Алматы облысының жиырма жасар тұрғыны мегаполис аумағында ең кемі екі бірдей ұрлық жасаған, десе де оңтүстік астананың полиция департаментінің баспасөз қызметі ол қолды еткен көліктердің саны одан көп болуы мүмкін екендігін хабарлайды.
Тәртіп сақшыларының сөзінше, күдікті ескі Volkswagen Passat көліктерін ұрлаумен айналысқан. Түн жарымында темір тұлпарлардың салонына еркін кірген ол көлікті оталдырып, әрі қарай бөлшектеп сатып жіберу мақсатында Жаркент қаласына (Алматы облысы) айдап кетіп отырған. Қазіргі таңда ескі көліктерді «кәдеге жаратқан» азаматтың зардап шегушілерге келтірген шығыны 800 мың теңгеден аса соманы құраған.
Күдікті уақытша ұстау изоляторына қамалып, ҚР ҚК-нің 200-бабы («Автомобильдi немесе өзге де көлiк құралын құқыққа сыйымсыз иеленіп алу») бойынша сотқа дейінгі тергеу амалдары жүргізілуде.
Комментариев: 0