Экологтар, шенділер мен қоғам белсенділері алматылықтардың қандай ауамен тыныстап жүргенін талқылады. Онлайн кездесу барысында айтылған деректер көңіл көншітпейді. Экология, геология және табиғи ресурстар министрлігіне қарасты Экологиялық реттеу және бақылау комитетінің төрағасы Зулфухар Жолдасов хабарлағандай, оңтүстік астана бірнеше жыл қатарынан Қазақстандағы ең лас қалалар тізімінде тұр. Мұнда мәселенің басым бөлігі көлікпен байланысты. Министрлік есебі бойынша, 2019 жылы ауаға 144 мың тонна зиянды зат тараған. Оның 34 %-ын жылу жүйелері, 52 %-ын көлік құралдары, ал 14 %-ын жеке үйлер таратады екен.
Жолдасовтың айтуынша, Алматыдағы экологиялық жағдайды тек кешенді түрде жақсартуға болады. Біріншіден, дизельді отынмен жүретін автобустар сатып алуға заңмен тыйым салу қажет. Екіншіден, жанармай құю бекеттеріндегі отын сапасының К4 және К5 экологиялық класстарына сәйкестігін қатаң қадағалап, көлікті техникалық тексерістен өткізетін орындардың жұмысын бақылауда ұстау керек.
![Запретить законодательно закупать дизельные автобусы хотят в Алматы](https://kolesa-photos.kcdn.online/kolesa-read/bb87b9c550add6714658ad9ef8342ec0aa349e35-1193x671.jpg)
Айта кетерлігі, мегаполис әкімдігі дизельді автобустан бас тартамыз деп қанша айтса да, жыл сайын сатып алып жатыр. Ал техникалық тексерістің қалай өтетінін тек министрліктегілер ғана білмейтін сияқты.
Сонымен қатар, шенділер жылу орталықтарына қатысты мәселенің алдағы бес жылда шешілетінін айтты.
Комментариев: 0