Тимирязев көшесіне қоғамдық көлік жолағына шығып кететіндерді бақылайтын камералар орнатылды, ал Әл-Фараби даңғылының бойына жаңа мүмкіндіктерге ие «Сергек» камераларын ағымдағы аптаның соңына дейін орнату жоспарланған.
«Жол бөлігіндегі орташа жылдамдықты өлшеу функциясына ие аппараттық-бағдарламалық кешен жылдамдық режимінің сақталуын бақылау мақсатында, пилотты режимде жұмыс істейтін болады. Жылдамдық режимін бақылаудан бөлек, „Сергек“ жол ережесін бұзудың өзге де түрлерін тіркеп, көлік құралдарының даңғыл бойындағы қозғалысы бойынша Big Data қалыптастыратын болады. Сонымен қатар, алдағы екі апта ішінде Абай даңғылының бойындағы және BRT жүріс бағытындағы жол бөліктерінде жылдамдық режимін бұзу, автобус жолағына шығып кету және басқа да жол ережелерін бұзу сәттерін тіркейтін кешендер орнатылып, іске қосылады», — деп хабарлады қалалық ІІД-нің баспасөз қызметі.
Осылайша, бүгінде Алматыда қиылыстан бағдаршамның тыйым салатын белгісіне өтіп кету, тоқтау сызығынан асып кету, жылдамдық режимін асыру және дәл BRT бағыты бойынша — қоғамдық көлікке арналған жолаққа шығып кету сынды ереже бұзуларды анықтайтын 111 бейнетіркеу орындары жұмыс істеуде.
Комментариев: 0