Кеше жауған жаңбырдың арты қарға айналды. Тәулікке жетпейтін уақытта қала ішін 8-10 см, тау етегін — 16 см, ал тау жақты 21 см қар басқан.
Тәртіп сақшылары 16 қараша күнгі 8:00 мен 17 қараша 8:00 аралығында қалада 136 ЖКО тіркепті. 26 адам жарақат алған. Қуанышқа орай көз жұмғандар жоқ.
«Күн райы бұзылып, қар жауып, температура төмендегендіктен, жолда қауіпсіздік сақтау үшін жүргізушілер мен көлік иелеріне дөңгелек ауыстыруға кеңес береміз», — деп мәлімдеген полиция жылдамдықты бәсеңдетіп, арақашықтық сақтау керегін атап өтті.
Ал коммуналды мекеме қызметкерлері бір түнде жолдарға 3 тонна көктайғаққа қарсы материал төгілгенін айтты. Мегаполис көшелерінде 126 құм себетін машина жұмыс істеді. Таң атқалы 456 техника мен 1280 маман қар күреп жатыр.
Комментариев: 0