A-Parking 2023 жылғы 15 шілдеден бастап қаладағы тротуар жанында орналасқан ақылы тұрақтарды (жол шетіндегі, шлагбаумсыз — Kolesa.kz ескертп.) басқаруды тоқтатыпты. Бұл туралы компания 20 шілдеде (бес күннен кейін) Facebook парақшасында хабарлады.
«Автотұрақты басқару бойынша барлық өкілеттік Алматы қаласы әкімдігіне өтті. Қазір бұрын компания еншісінде болған тротуар маңындағы барлық тұраққа көлік қойған жүргізушілерден ақы алынбайды. Алматы қалалық мобильділік басқармасы ақылы тұрақтарға қызмет көрсететін жаңа оператор құрып жатыр», — деп хабарлады компания.
Ал осы аралықта Алматы тұрғындары әдеттегідей тұрақ ақысын төлеп жүр, олар ақшасы қайда кетіп жатқанын да білмейді. Тұраққа ақы алу тоқтағанын әкімдік те, A-Parking те дер кезінде хабарлаған жоқ. Бір апта бұрын қаладағы паркоматтар алына бастады. Бірақ сол кезде мегаполистегі барлық тұрақ ақысыз болғанын ешкім ескертпеді.
Қалалық мобильділік басқармасы Kolesa.kz редакциясына бұл мәселе жөнінде толық түсініктеме беруге уәде етті.
Комментариев: 0