Алматыдағы Төле би мен Абылай хан қиылысында жол апатына түскен 98-автобустың жүргізушісі бүгін қамалды. Қалалық сот баспасөз қызметі күдікті 2023 жылдың 9 қаңтарына дейін қамауда отыратынын хабарлады.
Екі автобус қатысқан жол апаты 8 қарашада болды. 98-автобусты тізгіндеген 30 жастағы азамат бағдаршамның қызыл түсі жанып тұрғанда қиылыстан өтемін деп 201-бағыттағы қоғамдық көлікке соғылған. Салдарынан 21 адам жарақат алып, 37 жастағы жолаушы қаза тапты. Ал жүргізуші басынан жарақат алған екен, дәрігерлердің айтуынша апат болған сәтті есіне түсіре алмапты.
Комментариев: 0