Биыл Алматыда Red Bull тағы көңілді шара өткізеді. Осы жолы пилоттар бұрыннан белгілі Дотстық даңғылының Сәтбаев пен Абай арасындағы бөлігінде емес, «Атакент» аумағында бағын сынайды.
Жарыс 31 тамызда сағат 12:00-ге жоспарланған, бірақ 10:00-ден бастап болидтер көрмесі өтеді. Кіру тегін.
Red Bull Soapbox Race-ке қатысуға 230 команда ниет білдірді, бірақ тек 70-і іріктеуден өткен. Әр команда өздері жасаған тарантаспен шығады. Көлікте ешқандай мотор болмауға тиіс. Қатысушылар салмағы 80 келіден аспайтын (пилотсыз) болидті сайыс басталар алдында ғана итеріп, жылдамдығын арттыра алады, қалғаны инерция мен экипаждың қолында. Жеңімпаздар Абу-Дабидегі Формула-1 Гран-приіне жолдама алады.
Комментариев: 0